በጉጉት ሲጠበቅ የቆየው እና በኢትዮጵያ ለሶስተኛ ጊዜ ሲካሄድ የቆየው የባለልዩ ጣዕም የቡና ቅምሻ ውድድር/ ካፕ ኦፍ ኤክሰለንስ ውድድር ስኬትን በስኬት ላይ፤ ድልንም በድል ላይ ደራርበን አጠናቀናል፡፡

 

በዘንድሮው የካፕ ኦፍ ኤክሰለንስ 2022 ውድድር ላይ በኢትዮጵያ ታሪክ ተሰምቶ በማይታወቅ ሁኔታ በጥራቱ በአንደኝነት ከፍተኛ ነጥብ ያመጣው ቡና ከትላንትናው ምሽት ጀምሮ በተከናወነው ዓለም ዓቀፍ ኦንላይን ጨረታ እጅግ በሚያስደንቅ ሁኔታ አንድ ኪሎ ግራም ቡና በዶላር 884.10 ወይም በብር 47,236.23 ተሸጧል፡፡ ይህ ዋጋ ለአንድ ኪሎ የኢትዮጵያ ቡና የተሰጠ አስደናቂ ዋጋ ነው፡፡

 

በመሆኑም ሙሉውን ጊዜያችሁን እና ትኩረታችሁን ለዚህ ውድድር አድርጋችሁ ይህን ወርቃማ ድል ለመቀዳጀት አስተዋጽኦ ላደረጋችሁት በሁሉም ቡና አብቃይ ክልል ያላችሁ እና የተወዳደራችሁ ውድ አርሶ አደሮች፣ ውድድሩ ሲወጠን ጀምሮ ቀን ከሌት ስትታትሩ ለነበራችሁ የስቲሪንግ ኮሚቴ አባላት፣ የኢትዮጵያ ቡና እና ሻይ ባለስልጣን ሰራተኞች፣ ለኢትዮጵያ ቡና ላኪዎች ማህበር፣ ለካፕ ኦፍ ኤክሰለንስ 2022 ፕሮጀክት መላ ሠራተኞች፣ ለአላይንስ ፎር ኮፊ ኤክሰለነስ ሠራተኞች እና ተባባሪ እካላት፣ ግብርና ሚኒስቴር፣ ክልሎችና በየደረጃው የሚገኙ የቡና፣ ሻይና ቅ/ቅመም መዋቅሮች እንዲሁም ሌሎች ፌዴራል ተቋማት፤ መላው አርሶ አደሮች፣ ላኪዎች፣ አቅራቢዎች፣ አልሚዎች፣ ቆዪዎች፣ የቡና ማህበራት እና ዩኒየኖች፤ መንግስታዊ እና መንግስታዊ ያልሆኑ ተቋማት እና ዓለም አቀፍ ድርጅቶች፤ ዩኒቨርስቲዎች እና የምርምር ተቋማት ሁሉ ምን ጊዜም ከጎናችን ናችሁና ምስጋናዬ እና አክብሮቴ የላቀ ነው፡፡

ፈጣሪ ኢትዮጵያን እና መላውን ህዝቧን ይባርክ!!

አዱኛ ደበላ (ዶ/ር)