Uncategorized

በ2012 በጀት ዓመት አገራችን ካፕ ኦፍ ኤክሰለንስ የተባለውን የቡና ጣዕም ቅምሻ ውድድር ልታዘጋጅ ነው!

 

በ2012 በጀት ዓመት አገራችን ካፕ ኦፍ ኤክሰለንስ የተባለውን የቡና ጣዕም ቅምሻ ውድድር ልታዘጋጅ ነው! ይህንኑ ጉዳይ በተመለከተ በዛሬው እለት ጋዜጣዊ መግለጫ ተሰጥቷል፡፡
የኢትዮጵያ ቡናና ሻይ ባለስልጣን ከፊድ ዘ ፊዩቸር ጋር በመተባበር ያዘጋጁትና በአገራችን ለመጀመሪያ ጊዜ የሚካሄደውን ካፕ ኦፍ ኤክሰለንስ የተሰኘ የቡና ጣዕም ቅምሻ ውድድር በተመለከተ በዛሬው እለት ጥቅምት 11/2012 ዓ.ም በስካይ ላይት ሆቴል ጋዜጣዊ መግለጫ ተሰጥቷል፡፡
ጋዜጣዊ መግለጫውን በቦታው ላይ በመገኘት በጋራ የሰጡት ክቡር ዶ/ር አዱኛ ደበላ የባለስልጣን መ/ቤቱ ዋና ዳይሬክተር፣ ክቡር አቶ ወንድማገኝ ነገራ የኢትዮጵያ ምርት ገበያ ዋና ስራ አስፈጻሚ፣ ክቡር አቶ ደሳለኝ ጀና የኢትዮጵያ ቡና ላኪዎች ማህበር የቦርድ ፕሬዝደንት እንዲሁም ሚስተር ኢያን ቸስተርማን የፊድ ዘ ፊዩቸር ኢትዮጵያ ቫልዩ ቼይን አክቲቪቲ ዋና ስራ አስፈጻሚ ናቸው፡፡
ክቡር ዶ/ር አዱኛ ደበላ በመክፈቻ ንግግራቸው ከUSAID በተገኘ የገንዘብ ድጋፍ የሃገራችን ባለ ልዩ ጣዕም ቡና ለዓለም በማስተዋወቅ ከምርቱ የሚገኘውን ገቢ ለማሳደግ ዓለም አቀፍ የቡና ጥራት ውድድር (Cup of Excellence) በሃገራችን እንዲካሄድ ተወስኗል፡፡ ይህ ውድድር በአገራችን ለመጀመሪያ ጊዜ በኢትዮጵያ መካሄዱ፤ የአገሪቱን ገጽታ ይገነባል፣ እስካሁን ያልተለዩ የቡና ዝርያዎች/ Varieties ጎልተው እንዲወጡ ያስችላል፣ አርሶ አደሮች ከሚመርቱት ምርት ተጠቃሚ እንዲሆኑ ያስችላል፣ ልዩ ጣዕም ያለውን የአገሪቱን ቡና ለመላው ዓለም በስፋት ለማስተዋወቅ እድሉን ያመቻቻል፣ ከምንም በላይ ደግሞ የአገሪቱን የውጭ ምንዛሬ በማሳደግ ተጠቃሚ እንደሚያደርጋት ዋና ዳይሬክተሩ ተናግረዋል፡፡
ዶ/ር አዱኛ እንዳሉት በውድድሩ ላይ በማንኛውም ደረጃ ላይ ያሉ የቡና አምራቾች፤ ላኪዎች፤ አቀናባሪዎች፤ የህብረት ስራ ማህበራት እንዲሀም ቡና ማጠቢያ ጣቢያዎች፤ በዘርፉ ተሰማርተው ቡና የሚያቀርቡ ትልቅም ይሁን ትንሽ የግል ወይም የህዝብ ድርጅቶች መሳተፍ እንደሚችሉ የተገለጸ ሲሆን፤ ለውድድር የሚቀርቡ ናሙናዎችም ዱካቸው የሚታወቁና ለዚህም ማሰረጃ ማቅረብ የሚችሉ መሆን አለባቸው፡፡
ተወዳዳሪዎቹ እና ቡና የሚያመርቱ ገበሬዎች ከፍተኛ ጥንቃቄ አድርገው ጥራት ያለው ቡናቸውን እስካቀረቡ ድረስ የተሻለ ዋጋ ያስገኝላቸዋል፡፡ አቀናባሪዎች እና ሌሎች ተዋንያኖችም ለቡናቸው የተሻለ ገበያና ዋጋ ስለሚያስገኝላቸው ተጠቃሚዎች እንደሚሆኑ ነው የተገለጸው፡፡

Add CommentYour email address will not be published

Shopping Cart