Uncategorized

ከኩታ ገጠም ቡና አምራች ክልሎች ለተውጣጡ ባለሙያዎች የሚሰጠው የአሰልጣኞች ስልጠና ቀጥሎ ውሏል

ከኩታ ገጠም ቡና አምራች ክልሎች ለተውጣጡ ባለሙያዎች የሚሰጠው የአሰልጣኞች ስልጠና ቀጥሎ ውሏል !
በኦሮሚያ ክልል በጅማ ከተማ የተጀመረው የቡና ምርት ዝግጅትና ጥራት አጠባበቅ ስልጠና ዛሬም ቀጥሎ ውሏል::
ስልጠናው ለሶስት ቀናት በታጠበ እና ያልታጠበ ቡና አዘገጃጀት፣ አያያዝና ጥራት ማሻሻያ ስራዎች፣ በቡና ጥራት ምርመራ ጉድለቶችና መንስኤዎች፣ በማዘጋጃ ኢንዱስትሪዎች የምርት አዘገጃጀት ሂደት የሚከሰቱ ችግሮችን ልየታና የመፍትሔ እርምጃ አወሳሰድ እና የቀይ እሸትና ጀንፈል ቡና ጥራት መስፈርቶች መመሪያ ዙሪያ በንድፈ ሀሳብ ስልጠና በተመሳሳይ ትኩረት እንደሚያደርግ መገንዘብ ተችሏል፡፡ በቀጣይም በማዘጋጃ ኢንዱስትሪ የማሽን አጠቃቀምና አያያዝ፣ በታጠበ እና ያልታጠበ ቡና የኢንዱስትሪዎች የምርት አዘገጃጀትና የጥራት አጠባበቅ እና የቡና ተረፈ ምርት አወጋገድና የሚወሰዱ ጥንቃቄዎች ዙሪያ የተግባር ስልጠናና የልምድ ልውውጥ እንደሚደረግ በኢትዮጵያ ቡናና ሻይ ባለስልጣን የምርት ዝግጅትና አግሮ ፕሮሰሲንግ ድጋፍ ዳይሬክቶሬት ዳይሬክተር እና የስልጠናው ዋና አስተባባሪ አቶ ሞላ ደምሴ ገልፀዋል፡፡
ስልጠናውን በይፋ ያስጀመሩት በኦሮሚያ ክልል የምርት ጥራት ቁጥጥር ኢክስቴንሽን ኮሙኒኬሽን የክልል ተወካይ ባለሙያ አቶ አበበ ብርሃኑ ናቸው፡፡ አቶ አበበ በመክፈቻ ንግግራቸው እንደገለፁት ቡና የሀገራችን የኢኮኖሚ ዋልታ በመሆኑ በትኩረት ሊሰራበት የሚገባ ሰብል በመሆኑ ከቡና አምራች ክልል ለዚህ ስልጠና የመጣችሁ ባለሙያዎች ስልጠናው እጅግ ከፍተኛ ፋይዳ ያለውና ለአርሶ አደሩ ጠቃሚ ስለሆነ በተዋረድ ለማውረድና በሚፈለገው ልክ ተጠቃሚነታችንን ለማረጋገጥ ብሎም ሀገራችንን ለመጥቀም በትኩረት እንደሚከታተሉ እምነታቸውመሆኑን ገልፀዋል፡፡
የተግባር ስልጠናው በጅማ ዞን ማና ወረዳ በፋይሰል የታጠበ ቡና መፈልፈያና ማዘጋጃ ኢንዱስትሪ የኮሪያ ፒ ኤል ሲ ማዕከል የተደረገ ሲሆን በርካታ ተሞክሮዎች የተገኘበት የልምድ ልውውጦችም የተደረገበት እጅግ አስደሳች ስልጠና መሆኑንም ከተሳታፊዎች ግብረ መልስ መገንዘብ የተቻለ መሆኑን የኢትዮጵያ ቡናና ሻይ ባለስልጣን የህዝብ ግንኙነትና የኮሙኒኬሽን ዳይሬክቶሬት በቦታው ተገኝቶ ዘግቧል፡፡
ጥቅምት 24 ቀን 2012 ዓ.ም

Add CommentYour email address will not be published

Shopping Cart