በወቅቱ የማህበሩ የስራ ክንዉንም ላይ ውይይት ተካሂዷል!!

ህዳር 20/2016 ዓ.ም

አዲስ አበባ

የኢትዮጵያ ብሄራዊ የቡና ማህበር/ ENCA ክቡር ዶ/ር አዱኛ ደበላ የኢትዮጵያ ቡናና ሻይ ባለስልጣን ዋና ዳይሬክተር እና ሁሴን አምቦ ዶ/ር የኢትዮጵያ ብሄራዊ የቡና ማህበር/ENCA የቦርድ ፕሬዝደንት በተገኙበት EU አዲስ ባወጣው እና በአውሮፓውያን አቆጣጠር በመጪው 2026 ተግባራዊ ይደረጋል ተብሎ በሚጠበቀው EU NEW REGULATION ላይ ማብራሪያ ተሰጥቷል:: በዚህ በቡናና ሻይ አዳራሽ ውስጥ በተከናወነው ስነ ስርዓት ላይ የማህበሩን ስራ አስፈፃሚ የቦርድ አባላት እና ስራ አስኪያጁን ጨምሮ ከአምስቱ ክልሎች የተውጣጡ የቡና ማህበራት ተወካዮች እና የስራ ኃላፊዎች የዲላ ዩኒቨርሲቲ ተወካይ ተገኝተዋል::

ማብራሪያውን የሰጡት ክቡር ዶ/ር አዱኛ ደበላ ሲሆኑ ሕጉ እንደሚያስቀምጠው ወደ EU ሃገራት በቀጥታ የሚገባዉ ቡና በGO-LOCATION CERTIFICATION እና በቀጥታ ቡና አምራቹን መሰረት በማድረግ ሲሆን ዱካው የታወቀ, ጥራቱ የተጠበቀ, ተፈጥሯዊ ይዘቱን የጠበቀ እና የደን ጥበቃንም ከግምት ውስጥ ያስገባ ምርት እንዲቀርብላቸው በማሰብ እንደሆነ ጠቁመዋል:: ከዚህ በተጨማሪም እድሜያቸው ያልደረሱ ህፃናትንም በቡና ስራው ላይ ማሳተፍ ህጉ እንደሚከለክል ጠቁመው ይህ ህግ እና መመሪያ በቂ ትኩረት እና ጥንቃቄንም የሚሻ ጉዳይ በመሆኑ ሁሉም ባለድርሻ አካላት/ አምራቹ, አልሚው, አቅራቢው, የማዘጋጃ ኢንዱስትሪዎች እና ላኪው ግንዛቤው እንዲኖራቸው እና ባለስልጣን መ/ቤቱ እያደረገ እንዳለው በየደረጃው ግንዛቤ የመፍጠሩ ጉዳይ ሊተኮርበት እንደሚገባው አሳስበዋል::

በመድረኩ ላይ የኢትዮጵያ ብሄራዊ የቡና ማህበር/ ENCA ከተቋቋመበት ወቅት አንስቶ እስከዛሬ ድረስ የተከናወኑ ተግባራት, በነበሩ ችግሮች እንዲሁም በተወሰዱ የመፍትሄ አቅጣጫዎች ዙሪያ ሰፋ ያለ ውይይት ተካሂዷል::